الأحد، 23 أغسطس 2009

مواجهه بين الحاجه واللي مش حاجه



ساقني حظي العاسر للذهاب الي اداره المشروع في يوم اجازه لي ولانه قليل البخت يلاقي العضم في الجينه لقيت الحاجه وفاء في الجبنه قصدي في المكتب

الحاجه وفاء المرأه الوحيده التي تعمل مقاول باطن وجدتها منهمكه في اعطاء احدي مواعظها الرائعه عن القناعه والرضا بما كتبه الله , قطعت كلامها لستقبلني بنظرات متحفزه لم يفلح النقاب في تهدئه شرارتها
" ايه ده يا باشمهندسه انتي كان عندك معاد مع البوي فريند " هههههههههههههههههه

وكعادتي كلما رأيت امر ا لا يعجبني الجأ الي الاستعباط اجبت في سخريه يسمع منك ربنا يا حاجه ويكون لنا نصيب ههههههههههههههههه
وبلهجه يغلب عليها الاسي ايه ياباشمهندسه ده اللي انتي عملاه ده اللي اتفقنا عليه ؟ وانا استمر في سحب مخزوني من الاستعباط اجازه بقي ياحاجه واكملت وانا اعدل شعري علي جنب نشوف نفسنا شويه

عدلت النقاب ورفعته علي عينيها تفعلها عاده عندما لايعجبها شيء وبصوت تفوح منه العبرات و الحزن كأنه حد من عيلتها مات : ليه تعملي في نفسك كده شايفه الرجاله كلهم بيبصو عليكي ازاي ليه تخلي اللي يسوي واللي مايسواش يشوف حاجه منك انتي انسانه كويسه وزي الفل لو تعرفي الملاك اللي علي يمينك والملاك اللي علي شمالك بيكتبو ايه في كل خطوه بتمشيها لابسه كده

اردت ان اصرخ فيها وانتي بروح امك لما بتسرقي الورق بتاع الشغل ولا بتسجلي للناس من الموبايل بتاعك ولا بتزوري وتروحي تهددي الناس مابيبقاش فيها ملايكه يسجلولك
دخل عم مجدي الذي لا يصلي الا الجمعه ليجامل الحاجه التي تمنحه دائما ورقه ب50 جنيه كلما جاءت المكتب وهو يمسك سبحه من الكهرمان الفاخر اشترتها له الحاجه من السعوديه الحاجه دي بركه اسمعي كلامها يا باشمهندسه تكسبي دي بتحبك اوي موجها كلامه لحاجته المصونه هاتيلها عبايه من عندك
ههههههههههه هذه المره انا ابقي اللي اضحك
وانا اميل عليها علي فكره يا حاجه المدير حسب كميات التجفيف لكل المقاولين ماعدا انتي !
اتسعت حدقتاها تقلصت ملامحها من تحت النقاب فظهرت الخطوط الرفيعه حول عينيها وبصوت ملتاع وقد نسيت كلامها
انتي متأكده يا باشمنهدسه ؟ عيب ياحاجه لو مش متأكده ماكنتش اقولك
سحبت الحاجه طرف عبايتها وقفزت لتلتقط ورقه بيضاء دون ان تهتم ان ذراعها قد انحسر عنه الكم فظهر بياضه الناصع
استدرت خارجه من المكتب وبطرف عيني لمحت الحاجه تكتب شكوي بحقها في الكميات التي تريد ان تسرقها اسوه بزملاءها من المقاولين اللصوص وهي تردد انا عاوزه حقي بما يرضي الله


ساقني حظي العاسر للذهاب الي اداره المشروع في يوم اجازه لي ولانه قليل البخت يلاقي العضم في الجينه لقيت الحاجه وفاء في الجبنه قصدي في المكتب

الحاجه وفاء المرأه الوحيده التي تعمل مقاول باطن وجدتها منهمكه في اعطاء احدي مواعظها الرائعه عن القناعه والرضا بما كتبه الله , قطعت كلامها لستقبلني بنظرات متحفزه لم يفلح النقاب في تهدئه شرارتها
" ايه ده يا باشمهندسه انتي كان عندك معاد مع البوي فريند " هههههههههههههههههه

وكعادتي كلما رأيت امر ا لا يعجبني الجأ الي الاستعباط اجبت في سخريه يسمع منك ربنا يا حاجه ويكون لنا نصيب ههههههههههههههههه
وبلهجه يغلب عليها الاسي ايه ياباشمهندسه ده اللي انتي عملاه ده اللي اتفقنا عليه ؟ وانا استمر في سحب مخزوني من الاستعباط اجازه بقي ياحاجه واكملت وانا اعدل شعري علي جنب نشوف نفسنا شويه

عدلت النقاب ورفعته علي عينيها تفعلها عاده عندما لايعجبها شيء وبصوت تفوح منه العبرات و الحزن كأنه حد من عيلتها مات : ليه تعملي في نفسك كده شايفه الرجاله كلهم بيبصو عليكي ازاي ليه تخلي اللي يسوي واللي مايسواش يشوف حاجه منك انتي انسانه كويسه وزي الفل لو تعرفي الملاك اللي علي يمينك والملاك اللي علي شمالك بيكتبو ايه في كل خطوه بتمشيها لابسه كده

اردت ان اصرخ فيها وانتي بروح امك لما بتسرقي الورق بتاع الشغل ولا بتسجلي للناس من الموبايل بتاعك ولا بتزوري وتروحي تهددي الناس مابيبقاش فيها ملايكه يسجلولك
دخل عم مجدي الذي لا يصلي الا الجمعه ليجامل الحاجه التي تمنحه دائما ورقه ب50 جنيه كلما جاءت المكتب وهو يمسك سبحه من الكهرمان الفاخر اشترتها له الحاجه من السعوديه الحاجه دي بركه اسمعي كلامها يا باشمهندسه تكسبي دي بتحبك اوي موجها كلامه لحاجته المصونه هاتيلها عبايه من عندك
ههههههههههه هذه المره انا ابقي اللي اضحك
وانا اميل عليها علي فكره يا حاجه المدير حسب كميات التجفيف لكل المقاولين ماعدا انتي !
اتسعت حدقتاها تقلصت ملامحها من تحت النقاب فظهرت الخطوط الرفيعه حول عينيها وبصوت ملتاع وقد نسيت كلامها
انتي متأكده يا باشمنهدسه ؟ عيب ياحاجه لو مش متأكده ماكنتش اقولك
سحبت الحاجه طرف عبايتها وقفزت لتلتقط ورقه بيضاء دون ان تهتم ان ذراعها قد انحسر عنه الكم فظهر بياضه الناصع
استدرت خارجه من المكتب وبطرف عيني لمحت الحاجه تكتب شكوي بحقها في الكميات التي تريد ان تسرقها اسوه بزملاءها من المقاولين اللصوص وهي تردد انا عاوزه حقي بما يرضي الله


ليست هناك تعليقات:

إرسال تعليق